ស្នាដៃឯករបស់កវីនិពន្ធ គង្គ ប៊ុនឈឿន

មិត្តអ្នកអានជាមេត្រី!

   ក្នុងសង្គមខ្មែរបច្ចុប្បន្ន សិល្បៈបទចម្រៀងកំពុងមានប្រជាប្រិយភាព នឹងទទួលបានការគាំទ្រយ៉ាង ខ្លាំង ជាពិសេសក្នុងស្រទាប់យុវវ័យ។ ក៏ប៉ុន្តែអ្វីដែលគួរឲ្យសោកស្តាយនោះ បទចម្រៀងសម័យរបស់ ខ្មែរសព្វថ្ងៃស្ទើរតែទាំងអស់សុទ្ធតែចម្លងពីបរទេសទាំងសាច់ភ្លេង Melody និងទំនុកច្រៀង ឬក៏គ្រាន់ តែកែប្រែអត្ថន័យខ្លះៗតែប៉ុណ្ណោះ រីឯអត្ថន័យខ្លឹមសារទៀតសោតច្រើនតែបង្ហាញពីសេចក្តីសេ្នហា ភ្លើតភ្លើន ពុះកញ្ជ្រោល រត់តាមគ្នា រត់ចោលម៉ែឪ សម្លាប់ខ្លួនប្តូរផ្តាច់ដើម្បីស្នេហា តាមបែបយុវវ័យ សម័យថ្មីនេះ។

  ការតែងនិពន្ធបទភ្លេង និងទំនុកច្រៀងថ្មីដែលផុសចេញពីបញ្ញាញាណខ្លួនឯងសុទ្ធសាធ ស្ទើរតែគ្មានអ្នកនិពន្ធខ្មែរណាក្នុងសម័យនេះ អាចធ្វើបានសោះឡើយ គឺភាគច្រើននៃអ្នកនិពន្ធបទ ចម្រៀងឥឡូវសុទ្ធតែចម្លងពីបទភ្លេងបរទេស មានសៀម ចិន កូរ៉េ បារាំង អង់គ្លេស រហូតដល់ Copy ទាំង ស្រុងពីយួនទៀត។  នេះវាហាក់ដូចជាបង្ហាញឲ្យឃើញថា របៀបឬក្បួនខ្នាតក្នុងការតាក់តែង និពន្ធបទចម្រៀងខ្មែរបច្ចុប្បន្នពឹងផ្អែកឬយកលំនាំទាំងស្រុងពីបទចម្រៀងនៃប្រទេសទាំងនោះដោយ ពុំបាន បង្ហាញនូវពណ៌សំបុរ អត្តសញ្ញាណជាតិខ្មែរសោះឡើយ ហើយវារឹតតែខុសគ្នា នឹងឃ្លាតចាកឆ្ងាយពីរបៀបឬក្បួនខ្នាតដែលកវីនិពន្ធខ្មែរយើងកាលពីជំនាន់មុនៗធ្លាប់មាននឹងបាននិពន្ធផងដែរ។

   មានអ្នករិះគន់ អ្នកគាំទ្រ អ្នកមិនចូលចិត្ត បទចម្រៀងខ្មែរសម័យបច្ចុប្បន្នដែលត្រូវបានបកប្រែ កែកាឡៃពីបទបរទេស បានបញ្ចេញទស្សនៈខុសៗគ្នាទៅលើបញ្ហាមួយនេះ ដែលអ្នកខ្លះបាននិយាយមើលងាយមើលថោក រិះគន់ធ្ងន់ៗចំពោះអ្នកនិពន្ធត្បាញអាយមួយចង្កោម នេះរហូតគេប្រសិទ្ធនាមឲ្យថា កវីនិពន្ធ COPY ទៀតផង។ ចំណែកឯអ្នកដែលគាំទ្រ នឹងចូលចិត្តវិញបានស្រែកជំទាលទាំងងងើលទទឹងទិសតបតវិញថាអ្នកដែលចាំតែរិះគន់គេហ្នឹងធ្វើ
បានដូចគេឬនៅ? Sic!

    នេះជាទស្សនៈរបស់ខ្ញុំផ្ទាល់ៈ ខ្ញុំធ្វើមិនបានដូចពួកអស់នោះទេ ពីព្រោះខ្ញុំប្រកាន់យកតែអ្វីដែលជា
ស្នាដៃដែលផុសចេញពីទេពកោសល្យ និងបញ្ញាញាណខ្លួនឯងពិតប្រាកដ។ តែខ្ញុំក៏សុំសួរវិញថា តើពួកអ្នកនិពន្ធខួរក្បាលកូពីទាំងអស់នោះអាចធ្វើបានដូចខ្ញុំដែរឬទេ?

   ណ្ហើយ! ស្លេះរឿងនេះត្រឹមហ្នឹងសិនចុះ! តទៅនេះខ្ញុំសូមបង្ហាញជូនមិត្តអ្នកអាន នូវស្នាដៃដ៏ល្អឯកនៃបទចម្រៀងដែលជាការតាក់តែងនិពន្ធរបស់កវីនិពន្ធម្ចាស់ស្ទឹងសង្កែ គង្គ ប៊ុនឈឿន ដែលខ្ញុំបានដកស្រង់ចេញពីសៀវភៅ កំណាព្យស្នេហ៍មាស​ របស់លោកផ្ទាល់។ ខ្ញុំសូមមិនធ្វើអត្ថាធិប្បាយបន្ថែមទៅលើបទចម្រៀងទាំងនេះឡើយ ហើយមិត្តអ្នកអានអាចរកទិញ សៀវភៅយកមកអាននោះនឹងបានដឹងពីប្រវត្តិបទនិមួយៗជាក់ជាមិនខាន។

អារសាច់ជូនម្តាយ

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន            ​​         

ច្រៀងដោយៈ លោក ស៊ីន ស៊ីសាមុត

ឆ្នាំផលិតៈ ១៩៦៨

ប្រភពរូបភាពនិងបទចម្រៀងពីៈ Youtube

ផ្តើមៈ កូន​សូម​អារ​សាច់​ជូន​ម៉ែ​!... អារ​សាច់​ជូន​ម្តាយ​...........

​    ​១​    ​សូម​លើក​ម្រាម​ដប់​    ​ខ្ចប់​ទាំង​លោ​ហិត​
​    ​    ​ក្លិន​ឈាម​នរក​ជីវិត​    ​ប្រឌិត​ដំបៅ​វាសនា​
​    ​    ​ដង្កូវ​ក្នុង​ជ្រាំ​    ​    ​រេ​រាំ​ក្នុង​ទង​បុប្ផា​
​    ​    ​លុបលាង​ខ្នោះឃ្នាង​ផ្កាស្លា​    ​ប្រហារ​ជូន​ម៉ែ​ទាំងអស់ ។​

​    ​២    ​លោហិត​កូន​ហូរ​    ​ថ្ងូរ​ប្រាប់​ផែនដី​
​    ​    ​លា​ហើយ​វណ្ណៈ​រាជសីហ៍​    ​ដែល​ស្រី​បណ្តុះ​ឥត​ឈ្មោះ​
​    ​    ​ងូត​លាង​ខ្ទុះ​ឈាម​    ​    ​លុប​ស្នាម​ស្នេហ៍​ដែលរ​បួស​
​    ​    ​អារ​សាច់​ជូន​ឈាម​យ៉ាង​ស្មោះ​    ​ចំពោះ​ទឹកដោះ​ម្តាយ​ថ្លៃ​    ​។

 ​
​    ​បន្ទរ   បាតជើង​អ្នកមាន​    ​    ​លើ​ស្ពាន​អ្នកក្រ​
​    ​    ​ម៉ែ​ប្រាប់​ឱ្យ​កូន​ត្រដរ​    ​តស៊ូ​យូរ​ឆាប់​គង់​ផុត​អវិចី​
​    ​    ​ស្នេហ៍​ក្មេង​ចិត្ត​ក្មេង​    ​ប្រឡែង​តែ​ទុក្ខ​រុករាន​រាល់ថ្ងៃ​
​    ​    ​ស៊ូ​អារ​សាច់​ជូន​ម្តាយ​ថ្លៃ​    ​លោកិយ​គង់​មិន​ធរមាន​    ​។​

​    ​៣    ​សូរសៀង​អង្រឹង​    ​    ​កូន​ដឹង​ទាំងអស់​
​    ​    ​ខ្លួន​ទាប​មិន​ត្រូវ​ឈោង​ខ្ពស់​    ​    ​ក្រែង​គ្រោះ​ទ្រូង​ស្រី​ទន្ទ្រាន​
​    ​    ​ស្នូរ​ភ្លេង​កែវស្រា​    ​    ​ទាសា​សម្រាប់​គេ​មាន​
​    ​    ​ខ្លួន​យើង​បីដូច​តិរច្ឆាន​    ​រស់​បាន​តែ​នឹង​ទឹកភ្នែក​.........
 

ម្លប់ដូងទី១០

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន            ​​         

ច្រៀងដោយៈ លោក ស៊ីន ស៊ីសាមុត

ឆ្នាំផលិតៈ ១៩៧៣

ប្រភពរូបភាពនិងបទចម្រៀងពីៈ Youtube

១   មើល​ស្ទឹង​សង្កែ​    ​មើល​ខ្សែទឹក​ហូរ​    ​រគាំង​វត្ត​ពោធិ​
​    ​    ​    ​លាយ​នឹង​ជំនោ​រ​    ​ថ្ងួចថ្ងូរ​ផ្តាំទឹកជំនន់
​    ​    ​    ​រៃ​យំ​ទ្រ​ហ៊ឹង​    ​លា​ស្ទឹង​កវីនិពន្ធ​
​    ​    ​    ​សុរិយា​ទោរទន់​    ​ពួន​ក្រោយ​ផ្ទះ​ស្រី ។​

​    ​    ​២   ​ដើម​ដូង​ទី​ដប់​    ​ម្លប់​គ្រប​មាត់​ស្ទឹង​    ​បង​ឈរ​ស្ងៀមធ្មឹង
​    ​    ​    ​ឈរ​ចាំ​ព្រលឹង​    ​ស្ងាត់ឈឹង​លុះលង់រាត្រី
​    ​    ​    ​អូន​ភ្លេច​វាចា​    ​ដែល​បាន​សន្យា​ពីថ្ងៃ​
​    ​    ​    ​ថា​ម៉ោង​ប្រាំបី​    ​ស្រី​មក​ជួប​បង ។​

​    ​    ​បន្ទរ   ឥឡូវ​បាត់សូន្យ​    ​ដូន​ក្បូន​រសាត់​
​    ​    ​    ​ទឹក​កួច​សំណាត់​    ​ហូរ​លឿន​កន្លង​
​    ​    ​    ​បុណ្យផ្កា​វត្ត​ពោធិ​    ​នៅ​មិនទាន់​ឆ្លង​
​    ​    ​    ​មិនគួរ​នួនល្អង​    ​បែ្រខ្នង​សូន្យសោះ ។​

​    ​    ​៣   ​ភ្លេង​ការ​គ្រឹមៗ​    ​ពី​ទួល​តា​ឯក​    ​ក្លាយ​ពីខ្លងខែក​
​    ​    ​    ​នារី​ពស់វែក​    ​បិទ​ភ្នែក​រៀបការ​នឹង​ប្រុស​
​    ​    ​    ​បង​ឈរ​មាត់​ស្ទឹង​    ​ប្រឹង​យំ​រងំ​ក្នុង​ពោះ​
​    ​    ​    ​លា​ស្រី​ស្រោម​ងោះ​    ​ឈ្មោះ​ក្នុង​ជា​ខ្លា ។​

ស្ពានអូរតាគី

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន            ​​         

ច្រៀងដោយៈ លោក ស៊ីន ស៊ីសាមុត

ឆ្នាំផលិតៈ ១៩៧៣ 
ប្រភពរូបភាពនិងបទចម្រៀងពីៈ Youtube

ផ្តើមៈ ឱស្ពាន​អូរ​តា​គី បើ​អ្នកដឹង​រឿង​ខ្ញុំ​
​    ​សូម​ជួប​លាក់​ផង កុំ​ប្រាប់​អ្នកណា​ឱ្យ​សោះ​!

១   ​សម្រក់​ទឹកខ្មៅ​    ​លើ​ដំបៅ​ចាស់​
​    ​នឹក​ឡើង​សែន​ខ្មាស    ​ស្ពាន​អូរ​តា​គី​
​    ​កាល​បង​និង​អូន​សាង​ក្បូន​ជីវី​    ​កាល​បង​និង​អូន​សាង​ក្បូន​ជីវី​
​    ​ក្រោម​ដើម​គគីរ​     ក្នុង​ខ្ទម​ទុរគត ។​

២   អូន​តាម​ម្តាយ​ទៅ​    ​មង្គលបុរី​
​    ​គ្មាន​ផ្ញើ​សម្តី​    ​    ​ឱ្យ​បង​មួយ​ម៉ាត់​
​    ​បង​ជា​កម្មករ​រថភ្លើង​កម្សត់​    ​បង​ជា​កម្មករ​រថភ្លើង​កម្សត់​
​    ​លួច​ផ្ញើ​សំបុត្រ​    ​តាម​អ្នករត់ពន្ធ ។​

បន្ទរ   ​ស្រាប់តែ​    ​    ​អូន​មាន​ថ្មី​ហើយ​
​    ​ជីវិត​ខ្ញុំ​អើយ​    ​    ​ទុក្ខ​ស្នេហ៍​សែន​ធ្ងន់​
​    ​ម្តាយ​អូន​ជេរ​ផ្ញើ​តាម​អ្នករត់ពន្ធ​    ​ម្តាយ​អូន​ជេរ​ផ្ញើ​តាម​អ្នករត់ពន្ធ​
​    ​មើលងាយ​រិះគន់​    ​ថា​បង​ក្រ​ខ្លាំង ។​

៣   ស្ពាន​អូរ​តា​គី​    ​    ​ស្ពាន​អូរ​តា​កែ​
​    ​ឱ​ពពាលខែ​    ​    ​និង​ស្រែ​បារាំង​
​    ​បើ​ដឹង​រឿង​ខ្ញុំ​សូម​ជួយ​បិទបាំង​    ​បើ​ដឹង​រឿង​ខ្ញុំ​សូម​ជួយ​បិទបាំង​
​    ​ធ្វើ​ជា​រនាំង​    ​    ​បាំង​ស្នេហ៍​នេះ​ផង ។​

រំដួលដងស្ទឹងសង្កែ

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន            ​​         

ច្រៀងដោយៈ លោក ស៊ីន ស៊ីសាមុត

ឆ្នាំផលិតៈ ១៩៧៤
ប្រភពរូបភាពនិងបទចម្រៀងពីៈ Youtube

១   ​មហា​សង្ក្រាន​    ​ច្រាន​ឆ្នាំ​មួយ​ទៅ​
​    ​ទ្រូង​សែន​ហ្មងសៅ​    ​នឹក​ព្រួយ​ក្រែង​ពៅ​    ​ឆាប់​ភ្លេច​រឿង​ដើម​
      ​រឿង​បាត់ដំបង​    ​ចង​ទង​ដង្ហើម​    ​កាល​ជួប​ស្រី​ឆ្នើម​
​    ​រដូវ​សន្សើម​    ​    ​ផ្កា​រីក​ស្គុះ​ស្គាយ ។​

២    ​អូន​ដើរ​រើស​គ្រុំ​    ​ក្នុង​ស្ទឹង​សង្កែ​
​    ​ភក្ត្រ​ដូច​ដួង​ខែ​    ​ថ្ពាល់ខួច​មាន​ស្នេហ៍​    ​នេត្រា​ពណ្ណរាយ​
      ​ហត្ថា​ខ្ចី​ល្ហ​ក់​    ​សក់ខ្មៅ​រំសាយ​    ​បងគន់​មិន​ណា​យ​
​    ​ក្លិន​ខ្លួន​ឆោម​ឆាយ​    ​រាយ​សំណាញ់​ស្នេហ៍ ។​

បន្ទរ  ​វិចិត្រករ​អឺយ​    ​កុំ​បាច់​គូរ​អី​
​    ​នៅក្នុង​លោកិយ​    ​ស្រី​ល្អ​គ្មានទេ​
      ​មានតែ​រំដួល​    ​ដងស្ទឹង​សង្កែ​
​    ​ដែល​ខ្ញុំ​លួច​ស្នេហ៍​    ​ទោះ​រយ​ឆ្នាំ​ខែ​    ​ក៏​នៅ​ចាំ​ចង ។​

 ៣  ​ឥឡូវ​រដូវ​ផ្កា​រីក​វិល​វិញ​    ​ទ្រូង​សែន​ទោម្នេញ​
​    ​ព្យុះ​កម្មបក់​ដេញ​    ​បាត់​ផ្កា​មួយទង​
​    ​ត្រី​ក្រឹម​អូន​ស្លាប់​    ​នៅក្នុង​ដប​បង​
​    ​លិខិត​នួនល្អង​    ​បង​ទុក​ទ្រាប់​ខ្នង​    ​ដេកស្លាប់​ក្នុង​ផ្នូរ ។​

ចម្រៀងមរណៈ

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន            ​​         

ច្រៀងដោយៈ លោក ស៊ីន ស៊ីសាមុត

ឆ្នាំផលិតៈ ១៩៧៣ 
ប្រភពរូបភាពនិងបទចម្រៀងពីៈ Youtube

សម្លេងចាប ប្រាប់ស្នេហ៍ចាស់

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ម៊ែរ ប៊ុន            ​​         

ច្រៀងដោយៈ លោក អ៊ឹង ណារី

ឆ្នាំផលិតៈ ១៩៧២
ប្រភពរូបភាពនិងបទចម្រៀងពីៈ Youtube

រាហ៊ូចាប់ចន្ទ

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន            ​​         

ច្រៀងដោយៈ លោក ស៊ីន ស៊ីសាមុត

ឆ្នាំផលិតៈ ១៩៧៣
ប្រភពរូបភាពនិងបទចម្រៀងពីៈ Youtube

ភ្លេងមច្ចុរាជ

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ម៊ែរ ប៊ុន​​         

ច្រៀងដោយៈ លោក ស៊ីន ស៊ីសាមុត

ឆ្នាំផលិតៈ ១៩៧៣
ប្រភពរូបភាពនិងបទចម្រៀងពីៈ Youtube

បងដើរកាត់ភ្លៀង

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន        

ច្រៀងដោយៈ លោក ស៊ីន ស៊ីសាមុត

ឆ្នាំផលិតៈ ១៩៧៣
ប្រភពរូបភាពនិងបទចម្រៀងពីៈ Youtube

ស្ពានឈើអភ័ព្វ

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន        

ច្រៀងដោយៈ លោក ស៊ីន ស៊ីសាមុត

ឆ្នាំផលិតៈ ១៩៧៣
ប្រភពរូបភាពនិងបទចម្រៀងពីៈ Youtube

១   ​ភូមិ​វត្ត​កំផែង​រៀម​សូម​ថ្លែងទុក្ខ​    ​ស្នេហ៍​ខាន​ជួប​មុខ​
​    ​    ​រាយ​ជា​ទំនុក​គុក​កម្ម​ស្នេហ៍​ខ្ញុំ​
​    ​    ​ស្ពាន​កម្សត់​ក្បត់​ស្នេហ៍​ឧត្តម​
​    ​    ​ក្បត់​រាត្រី ចន្ទ្រា​ទឹកឃ្មុំ តោ​យំ​សុំ​ក្តីមេត្តា ។​

 
​    ​២   ​ឱ​វាល​បែក​ចាន​    ​បែកចិត្ត​ទៅហើយ​    ​ស្នេហ៍​គ្មាន​កោះ​ត្រើយ​
​    ​    ​ស្ទឹង​សង្កែ​អើយ​    ​ម្តេច​ឡើយ​ឫស្យា​
​    ​    ​គួច​ស្នេហ៍​ខ្ញុំ​    ​ឱ្យ​លង់​ម​រណា​
​    ​    ​គួច​ទាំង​ចិត្ត​ឱ្យ​ស្វិត​ដូច​ផ្កា​    ​ខ្លោចផ្សា​ឱ​រ៉ា​មួរ​ហ្ម​ង ។​

 
​    ​បន្ទរ   គ្រាប់​ខ្សាច់​បាត​បឹង​    ​រៀម​ប្រឹង​រក្សា​
​    ​    ​ទុក​រោយ​ធ្វើជា​ផ្កាស្លា​    ​រៀបការ​អូន​ហើយ​នឹង​បង​
​    ​    ​ស្ពាន​ឈើរៀមធ្វើឱ្យ​អូន​ឆ្លង​
​    ​    ​តែ​កម្ម​កាច​កំណាច​កន្លង​    ​នួនល្អង​ឆ្លង​ស្ពានគេវិញ ។​

​    ​៣   ​បង​ឈឺ​កក​ឈាម​ដូច​អ៊ុក សា​រ៉េ​ន​    ​ឈឺ​ហួស​ព្រំដែន​
​    ​    ​ស្រី​ចិត្ត​ម៉ឺន​សែន​នឹក​សែន​ទោម្នេញ​
​    ​    ​បេះដូង​មួយ​ឲ្យគេ​ដូរ​ទិញ​
​    ​    ​ដូច​ទឹកស្ទឹង​ហូរ​មិន​វិល​វិញ​    ​ទោម្នេញ​ព្រោះ​ស្រី​ចិត្ត​ស្រ​ល់៕

ទំនួញហ្គីតាមាស

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន        

ច្រៀងដោយៈ លោក ស៊ីន ស៊ីសាមុត

ឆ្នាំផលិតៈ ១៩៧៣
ប្រភពរូបភាពនិងបទចម្រៀងពីៈ Youtube

សម្រស់នាងចែវទូកដរ

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន        

ច្រៀងដោយៈ លោក ស៊ីន ស៊ីសាមុត

ឆ្នាំផលិតៈ?
ប្រភពរូបភាពនិងបទចម្រៀងពីៈ Youtube

១   ​ជិះទូក​តាម​ស្ទឹង​    ​ប្រឹង​លបមើល​ស្រី​
​    ​    ​ធម្មជាតិ​ស្រស់​ខៀវ​ខ្ចី​    ​ក្តាំងងារ​ព្រែកស្តី​    ​ព្រៃ​វាល​អន្លក់
​    ​    ​ស្ទឹង​ចាស់ ព្រែក​ហ្លួង​    ​ទ្រូង​ជាប់​ជ័រ​ឆក់​
​    ​    ​ក្រោម​ភ្លៀងរលឹម​តក់ៗ​    ​ជួប​ផ្កា​ខ្ចី​ល្ហក់​    ​ឆើត​ឆាយ ។​

 
​    ​២   ​បង​ជា​ទេសចរ​    ​ជិះ​ទូកដរ​អូន​
​    ​    ​គន់មើល​ផ្កា​ស្រ​ពោន​    ​ដៃ​តូច​ស្រ​ឡូ​ន​គាស់​ទឹក​បែកខ្ចាយ​
​    ​    ​កុលាប វត្ត​កែវ​    ​ល្អគន់​មិន​ណា​យ​
​    ​    ​ខ្ចីល្ហក់សក់ខ្មៅរំសាយ​    ​បង​តែង​ចុត​ហ្មា​យ​សុំ​ស្នេហ៍ ។​

 
​    ​បន្ទរ   ​តែ​កម្ម​អាក្រក់​    ​ដក់​ត្រាំ​ង​ដួងចិត្ត​
​    ​    ​ដូច​មេឃងងឹត​    ​ព្រាត់​ពី​ដួង​ខែ​
​    ​    ​កុលាប​ឆើត​ស្រស់​    ​មាន​សម្ផស្ស​ស្នេហ៍​
​    ​    ​ផលកម្ម​បំបែរ​    ​ឱ្យ​គ​និយាយ​មិន​រួច ។​

​    ​៣   បង​អារ​ឈាម​ស្រោច​    ​ក្នុង​ស្ទឹង​សង្កែ​
​    ​    ​ក្រោម​ពន្លឺដួងខែ​    ​ផ្សង​ឱ្យ​ជួប​ស្នេហ៍​កុលាប​ថ្ពាល់ខួច​
​    ​    ​កុលាប វត្ត​កែវ​នេត្រា​មុត​ស្រួច​
​    ​    ​សូមឱ្យ​បាន​និយាយ​រួច​    ​ឱ្យដឹង​ថា​បង​លួច​ស្នេហ៍៕​

ស្រណោះផ្កាក្ទម្ព

 រូបភាពពីៈ Internet

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ម៊ែរ ប៊ុន        

ច្រៀងដោយៈ លោក ស៊ីន ស៊ីសាមុត

ឆ្នាំផលិតៈ១៩៧៣
ប្រភពរូបភាពនិងបទចម្រៀងពីៈ Youtube

មេឃាភ្នំពេញ តារាបាត់ដំបង

រូបភាពថតដោយម្ចាស់ប្លក់ផ្ទាល់ ២៤ មិនា ២០១២

 រូបភាពពីៈ Internet

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន        

ច្រៀងដោយៈ លោក ស៊ីន ស៊ីសាមុត និង រស់ សេរីសុទ្ធា

ឆ្នាំផលិតៈ១៩៧៣
ប្រភពរូបភាពនិងបទចម្រៀងពីៈ Youtube

អនុស្សាវរីយ៍ ខ្នងភ្នំសំពៅ

រូបភាពពីៈ វិគីភីឌា ខ្មែរ

 

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន        

ច្រៀងដោយៈ អ្នកស្រី រស់ សេរីសុទ្ធា

ឆ្នាំផលិតៈ១៩៧៣
ប្រភពរូបភាពនិងបទចម្រៀងពីៈ Youtube

កូនស្រីអ្នកនេសាទ 

ទិដ្ឋភាពនា ភូមិបាក់ព្រា បច្ចុប្បន្ន

 រូបភាពពីៈ chanbokeo.com

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ម៊ែរ ប៊ុន        

ច្រៀងដោយៈ អ្នកស្រី រស់ សេរីសុទ្ធា

ឆ្នាំផលិតៈ១៩៧៤
ប្រភពរូបភាពនិងបទចម្រៀងពីៈ Youtube

១   ​ឱ​!​ ភូមិ​បាក់​ព្រា​    ​នា​ពេល​សុរិយា​រៀប​លិច​
​    ​រលក​ព្រិចៗ​    ​រំលេច​ពណ៌​ព្រំ​សុវណ្ណ​
      ​ពពក​រសាត់​    ​កាត់មេឃនា​ពេល​សាយ័ណ្ណ​
​    ​ឯនាយ​ផ្គរលាន់​    ​លាន់​ឮ​សែនឆ្ងាយ​ស្រណោះ ។​

​

២   ភូមិ​អ្នកនេសាទ​    ​អណ្តែត​លើ​ផ្ទៃ​ជលសារ​
​    ​ជំនោរ​សីហា​    ​កត់ត្រា​រឿង​ដើម​ទាំង​អស់​
      ​កាល​បង​និង​អូន​    ​សាង​ក្បូន​ស្នេហាយ៉ាង​ស្មោះ​
​    ​ឥឡូវ​រូបប្រុស​    ​បោះបង់​ចោល​​អូន​ឯកា ។​

​បន្ទរ   ធ្វើម្តេច​រូប​អូន​    ​ជា​កូនស្រី​អ្នកនេសាទ​
​    ​ជា​ផ្កា​មិន​ស្អាត​    ​ប្រឡាក់​ជាប់កិ្លន​មច្ឆា​
      ​បង​ស្គាល់ជាតិ​ហើយ​    ​បោះ​ផា្ក​ចោល​ក្នុង​ជលសារ​
​    ​នេះ​គឺ​វាសនា​    ​បុប្ផា​នៅ​ភូមិ​បាក់​ព្រា ។​

៣   បាក់​ព្រា​ព្រែក​ត្រប់​    ​បង្កប់​រឿង​ស្នេហ៍​អ្នកក្រ​
​    ​ដូច​ព្រា​ហ្ម​កេសរ​    ​ត្រូវ​ប្ដី​យក​ទៅ​ប្រហារ​
      ​ចាំ​តាំងពី​ប្រាំង​    ​រហូត​ដល់​ខែវស្សា​
​    ​ក៏ប្រុសស្នេហា    ​មិនឃើញយាត្រា​វិល​វិញ ៕
 

សែនឈឺចិត្ត

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន        

ច្រៀងដោយៈ អ្នកស្រី រស់ សេរីសុទ្ធា

ឆ្នាំផលិតៈ១៩៧៣
ប្រភពរូបភាពនិងបទចម្រៀងពីៈ Youtube

រសស្នេហ៍ឧត្តម 

 ដើមត្រែង

រូបភាពពីៈ chanbokeo.com

និពន្ធបទភ្លេង និង ទំនុកច្រៀងៈ លោក គង្គ ប៊ុនឈឿន             

សម្រួលតន្រ្តីៈ លោក​ ហាស់ សាឡន        

ច្រៀងដោយៈ អ្នកស្រី រស់ សេរីសុទ្ធា និង លោកស៊ីន ស៊ីសាមុត

ឆ្នាំផលិតៈ១៩៦៨
ប្រភពរូបភាពនិងបទចម្រៀងពីៈ Youtube

 

 នៅមានត